Plantun de Prouvènço

Pèr coumpara dos planto d'encò nostre

Gagea reverchonii & Cyperus esculentus

Gagea reverchonii

Liliaceae Liliaceae

Nom en français : Gagée de Burnat.

Descripcioun :
L'estello-jauno-de-Reverchon trachis dins li tepiero roucaiouso subretout li peiròu cauquié. La planto èi verdalo emé uno grando fueio basalo larjo de 2 à 7 mm. Li flour, rouginasso dessouto se duerbon pièi retoumbon sus lou coustat.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 8 à 15 cm
Fueio : Costo paralèlo
Tipe bioulougico : Geoufite
Cicle bioulougico : Planto renadivo

Gènre : Gagea
Famiho : Liliaceae
Famiho classico : Liliaceae

Ordre : Liliales

Coulour de la flour : Jauno
Petalo : 6
Ø (o loungour) flour : 1,5 à 2,2 cm
Flourido : Printèms

Sòu : Ca
Autour basso e auto : 1000 à 1700 m
Aparado : Noun
Mars à jun

Liò : Tepiero roucaiouso - Peiròu - Bos clar
Estànci : Subremediterran à Mountagnard
Couroulougi : Mediterrano-Mountagnouso-Nord-Ouèst
Ref. sc. : Gagea reverchonii Degen, 1903 (= Gagea lutea subsp. burnatii (A.Terracc.) Laínz = Gagea burnatii A.Terracc. )

Triangle(-manjadis)

Cyperus esculentus

Cyperaceae

Nom en français : Souchet comestible.

Descripcioun :
Lou triangle-manjadis trachis dins li limas de ribiero o li culturo. Pèr l'ouro n'i'a pas gaire au nostre, soulamen un pau au couchant. Se recounèis à sis enflourejado jauno daurado e subretout à si cabosso o tubercule. Douno un pau d'èr à Cyperus rotundus que fai de cabosso negro. La varieta presentado eici, Leptostachyus, èi naturalisado (óurigino Americo de l'uba).

Usanço :
Coume lou dis soun noum es uno planto manjadisso. En Espagno s'adoubo emé lou tubercule l'horchata de chufa, valènt-à-dire l'ourjado de triangle. Se fai tambèn un òli de qualita, richo en vitamino E e bon pèr la pèu.